日期: 4 月 14 日星期六
時間: 如下
參加人數: 快將額滿
報名: A. 已出席過版聚的版友, 只需回覆通知
        B. 未曾出席的版友或CD-ROM 一律歡迎, 請EMAIL 聯絡電話, 網名, 至 mui@hk02ghost.org
費用: 完全自費 + 不收任何領隊/導遊費

遊覽重點:
- 出發前至中環蛇竇集合, 品嘗老香港馳名茶, 啡, 撻, 飽 (只限早團)
- 乘坐港外線渡輪豪華位, 享受悠悠海風, 觀賞香港海島風景
- 品嘗長洲地道老牌酒家風味 (只限早團)
- 經驗領隊帶您環島步行, 細意欣賞離島各處少見的勝景 (自由參加)
- 設下午咖啡茶會, 在堤岸討論各式各種靈異話題, 設全城至專業專家, 本同盟管理層之一 - 梅羅崗師傅主持
- 遊覽世界風帆第一灣 - 觀音灣, 參觀香港之光 - 首位奧運金牌得主李麗珊風帆成長之路
- 品嘗日式傳統手制紅荳餅及日本茶道 (自由參加)
- 可自租單車在長洲各大街暢遊 (自由參加)
(*註: 受長洲道路安排規定, 碼頭範圍北社大街, 由長洲街市至北帝廟前球場段不准騎乘單車, 請改路由東灣直入)
- 晚飯品嘗堤岸地道海鮮及風味小炒, 並附設甜品
- 飯後可小組進入前長洲東堤小築探險 (自由參加)
- 可以留宿長洲(自行決定)或深宵在碼頭街邊檔享用風味夜宵 (自由參加)

詳細行程表:
早團
11:00am 中環皇后戲院集合, 遲到不候, 自行上中環樂香園(蛇竇), 鏞記飯店對面, 品嘗老香港馳名茶啡撻飽
12:00pm-12:15pm 出發乘新渡輪離島線豪華位(仍可享受平日特價), 享受悠悠海風, 觀賞香港海島風景
1:30am 有興趣可於杏花村酒樓(或同級)品茗, 感受長洲細意風情
(如留夜營友可以先行租假屋)

午團
1:30pm 離港線碼頭集合(時間緊迫, 午餐請自行在船上享用, 或到長洲再吃), 1:45pm 開船(快船)

以下為長洲渡輪時間 / 價目表
http://www.nwff.com.hk/chinese/schedule/route.asp?Origin=CW&Dest=CC&From=25&line=H



2:15pm 早午團會合 (逾時不候)

全團集合後

遊覽組(2:00pm-6:00pm): 由WYJIMMY 帶隊, 我們由世界風帆勝地 - 觀音灣起步, 途經東灣日本故鄉茶寮(設家鄉紅荳餅, 套餐$20位起, 要登記), 經明暉營, 至觀石長廊, 各式長洲著名石景, 如人頭石, 花瓶石, 饅頭石等, 形成離島十景之一 - 三石朝陽壯觀, 再沿長廊, 至花坪山莊沿岸, 欣賞驚濤拍岸, 再至長洲鬼屋遺址, 此處已重新建置新物業, 再經神樂靜修院, 感受隱居修士修行之情況

再沿南"乙水"灣, 參拜南"乙水"觀音廟, 再向長洲最高點 - 山頂進發, 在這亭買罐汽水, 稍作歇息, 再沿路直上, 到達長洲墳場, 當年靈異同盟眾版友夜晚發現鬼魂出沒地點(放心, 還是晏晝來), 再沿路行落西灣, 可選擇乘長洲特色街渡($3-$5位), 在水平線欣賞日落黃昏, 或步行新建之海濱長廊, 回到碼頭集合。

注意: 沿岸有上山落山等步行, 有中等運動量, 參加遊覽組版友請自行測量體能問題, 若不適請別勉強, 我需要統計人數, 才決定是否開小組, 所以有興趣參加者請先報名。

消閒討論組(2:00pm-6:00pm): 由小梅主持, 可以在長洲著名的英皇茶餐廳, 或東灣海灘小店, 討論靈異話題, 如經歷, 鬼故事分享, 亦可以請教主持人有關玄學上知識及問題, 或傾談生活點滴瑣碎

若覺得坐得太久, 可以沿東灣末段, 行出北帝廟球場旁, 租一小時單車(足夠了), 遊覽長洲沿岸, 建議可先往冰廠, 長貴村, 大鬼灣, 長北路等, 這段全屬單車專用路線, 折回時留心碼頭段北社大街是禁止騎乘單車, 你們可以改入東灣, 再繼續出來踏至西灣再折回碼頭。

6:00pm-7:00pm 自由活動時間, 大家可以在碼頭附近購買一些地道飾物, 如眼鏡, 帽等, 或馳名魚旦, 旦卷作手信, 或真的有點肚餓了, 可以在國民路小食店前品嘗地道街頭美食

7:15pm-9:30pm 由我們長腿美女阿一安排, 品嘗長洲海鮮, 家鄉小炒, 大家可以盡情大快朵頤!

9:30pm-10:30pm 我們可以選擇吃糖水, 或再闖前身為東堤渡假村作小小探險

11:00pm 乘快船 (11:30pm 回到港外線碼頭), 行程結束, 祝各位旅途愉快。


報名辦法:

未出哂街已經有 14 個人報左, 快爆架啦, 我地要安排兩圍好食好玩的海鮮有難度的(貴價唔抵食的當然幾多人都得啦), 真係要快

鬼谷規矩, 出過版聚既, re (回覆)呢個topic 就得, 未出過的版友全部歡迎, 請email 到 mui@hk02ghost.org 給小梅留你聯絡電話作實, 小梅確認後會通知這裡作實。

唔好諗啦, 大型旅行機會唔多, 全部專業但非牟利自費, 勿失良機!

[ 本帖最後由 WYJIMMY 於 2007-4-4 11:07 編輯 ]

1.小梅  (早 + 茶)
2.mcc  (早 + ?)
2a 眾美女 - 施小姐
2b 眾美女甲
2c 眾美女乙
2d 眾美女丙
3.噢 (早 + ?)
4.天天 (早 + 爆)
5.呀一 (早 + 爆)
6.白狼 (想死)
7. WYJIMMY (早 + 遊)
8 維維 (早 + ?)
9 paul (早 + ?)
10 diamond (晚)
11. 千總  (早 + 遊)
12. 一白 (晏 + ?)
13. 路人甲 (早 + ?)
14. NINJA 姐 (早 + 茶)
15. 邪王felix (早 + ?)
16. 面姐 (早 + 遊)

暫共20人

[ 本帖最後由 ghoststory 於 2007-4-3 15:14 編輯 ]

早團 - 幾點集合?
唔係早團又幾點集合?
可唔可以帶狗?

最好唔好帶狗, 個個顧住玩冇人同你睇耶, 留意未打完的, 留意遲下至打行程表

Re 呀~~

唔帶咪唔帶囉............

唔好誤會, 你可以帶, 但我經驗話比我知 , 真係會冇人理你隻狗, 亦試過有版友失狗, 攪到好煩... 煩都事少, 唔見你隻狗狗就事大啦~

[ 本帖最後由 WYJIMMY 於 2007-3-24 23:52 編輯 ]

白狼 ^.^v

引用:

原帖由 一白 於 2007-3-24 22:49 發表
唔帶咪唔帶囉............

其實我地唔會介意你帶狗呢，因為就算帶呢都係你自己照顧姐，
但係對你參與集體活動會防外Ｄ囉，你帶住隻狗行動必定冇咁方便的，
須然都係行街飲茶之類，有時有Ｄ地方可能唔比帶狗的，
到時大家就你唔到就唔好啦．．．．．．．．