一個人出生時間如果係踏正XX:00在兩個時晨中間, 是計下一個嗎?
如果好似我咁, 出生在23:00, 是子時嗎?
是該日的子時, 定係第二日的子時?
印象中, 好似有個計算係唔知邊鬼度時間, 要倒扣唔知幾多分鐘,
咁我係亥時出世定係之前我所指的呢?
仲有就係如果在海外出生的人, 時晨八字又應該點計?
(雖然唔多關我事, 但順便問埋

仲有個關於自己的問題, 我係一年中最後的一個踏正14/15號出生的人,
有人話呢一日出生的人, 命途係好極端的, 唔知係唔係真呢?

如果真的踏正兩個時辰中間咁當然係較為麻煩，
因為會同時受著前後兩個時辰的影響，可以視作空亡看。

２３點係晚子時，是當日夜晚的子時。

每天的早上太陽會出來，每天的晚上太陽會下山。

八字要視乎全局生剋之間的平衡性來斷事。

咁..... 早子同夜子計法有偏差嗎?

同埋空亡係點解呢?

《滴天髓》有云：「昨日之日非今日之夜。」
意思是昨天的早上不是今天的晚上，
所以晚上十一點至到十二點叫晚子時，是前一天的晚上，
而晚上十二點至到零晨一時叫早子時，是後一天的早晨。

在術數的時效計算上，有一種狀況叫作“空亡”，
意思是只有表面，其實內裡是空的，沒有作用，
例如丙火是熱的，可以剋金，
但是如果丙火坐下空亡，就沒有了丙火的熱力了，
變成剋不了金。

咁係唔係即是代表.... 表面上就算我係大富大貴,又或者表面上係D PK 命,
實質上又未必?
若然有朝一日我想搵人大批一野,
咁係唔係會比其他人貴?
若你遇著好似我呢D人, 會唔會叫我過主?
  (我牙痕...... 嘿~~)

空亡 係唔係個個時辰 都有ka, 定係 得子時先有啊

  一講到 時辰八字 我就好想問好想知

引用:

原帖由 voni 於 2007-4-4 09:45 發表
咁係唔係即是代表.... 表面上就算我係大富大貴,又或者表面上係D PK 命,
實質上又未必?
若然有朝一日我想搵人大批一野,
咁係唔係會比其他人貴?
若你遇著好似我呢D人, 會唔會叫我過主?
   (我牙痕...... 嘿~~) ...

你可以咁去理解空亡的意義。


其實好多師傅都唔做大批，因為大批好花功夫，
我咁耐以來都係做過一單五年中批，
佢係同我好老友，佢又真係實際有需要所以先無法唔同佢批，
但係都做到我想死咁．．．．．．．．．

引用:

原帖由 小梅 於 2007-4-4 15:51 發表

你可以咁去理解空亡的意義。


其實好多師傅都唔做大批，因為大批好花功夫，
我咁耐以來都係做過一單五年中批，
佢係同我好老友，佢又真係實際有需要所以先無法唔同佢批，
但係都做到我想死咁．．．．．．．．． ...

大批少人做, 中批好惡做,
所以通常D人都只做流年就係咁解
睇來我都要打消個念頭了

引用:

原帖由 我係丫E啊 於 2007-4-4 10:22 發表
空亡 係唔係個個時辰 都有ka, 定係 得子時先有啊

   一講到 時辰八字 我就好想問好想知  

在曆法上，中國是以干支紀事，每十個天干就叫一循，循環輪轉，
而十個天干配上十二個地支不是多出兩個嗎？這兩個就是空亡。

空亡的主要原因，是因為夾在兩個循交接的地方所以做成一個空隙，
而阿ｖｏｎｉ版友所問的問題「剛好在兩個時辰交接的中間。」
這個情況不是等同空亡嗎？

在香港，子時的真正交接時間是23:23，所以你23:00仍然是亥時。