首先要去買生果、花生、糖果、
連皮毛的肥豬肉一小件、米飯小許等祭品。
注意，這些祭品要在大廳的四角及中央擺放，
所以合共要五份，而在大廳中央，要特別加放燒酒三杯。

再到一般紙札舖買一套四角衣、陰契(如有須要)，
如單位較為陰暗潮濕，
則要買多些溪錢、金銀元寶，這樣可以燒旺家宅，除去霉氣。

首先點起十五支香， 面向正門，之後順時針方向，
繞著全屋用香薰一次，包括廁所及廚房，
心中默默禱告許願，如家宅安康，夫妻和氣等 。

將薰過屋的香燭，分別放在屋的四個角落分別插三支香，
大廳中央插上三支，合共十五支香，
蠟燭方面，則每處放一對，合共十支，
先由門的右角開始，順序向每隻角拜祭，
拜完回單位中央焚燒衣紙，
最後到單位中央拜祭焚燒衣紙，
如二手舊屋要化一張陰契，
通知上手先人單位以經轉手，
註意要在香燭燒完之前做好所有程序。

祝你好運～！

閱

我有嘢問.....

有次同一個六壬神功師傅閒談『入伙拜四角』。
他說普通人拜四角係無用嘅，係要學過法的人去拜才有用，所以有d人拜完四角之後入伙間屋都仍然有個D野。

個時唔識，聽咗都唔知係唔係真?
見你開題，順便問問。

Read

引用:

原帖由 alexlics 於 2007-3-9 17:25 發表
我有嘢問.....

有次同一個六壬神功師傅閒談『入伙拜四角』。
他說普通人拜四角係無用嘅，係要學過法的人去拜才有用，所以有d人拜完四角之後入伙間屋都仍然有個D野。

個時唔識，聽咗都唔知係唔係真?
見你開題，順便問問。 ...

我唔知岩唔岩呢? 如果唔岩你地指正下

如果隻野係唔走, 師傅拜左四角都唔走, 要用其他方法, 7成以上係講道理"勸"走佢, 好少部分或一d 冥頑不靈, 至需要師父特別方法"請"走佢

拜四角多數求心安, 或對住緊的靈體表示尊重, 如果一直係有靈體結集, 唔代表拜左四角, 你可以請左佢走的, 所以你朋友某程度講得岩, 但人不犯鬼, 鬼不犯人, 好多時情況係根本大家都唔會/唔想見到大家, 根本冇事會發生, 發生左事就要搵師父去代傾啦

我都係教六壬神功的，但係拜四角同神功可以講係冇關係。
原因拜四角係拜四方連中間，可以講係五方，所以要五份。
其實就係你同五路街坊打招呼，並唔係趕佢走，
而係入屋叫人，入廟拜神，入伙拜四角的禮貌。
正如泥姐話事齋，又唔係要趕人走，點解要神功師父呢？
相反有好多人入伙後安地主，（五方五土龍神，前後地主財神。）
到時重要請佢地睇住添。

但話反轉頭，身為六壬神功師傅，
我又唔反對人請六壬神功師傅拜四角喎，
如果唔係我地邊有飯開呀！
都係搵六壬神功師傅拜好Ｄ！　

[ 本帖最後由 小梅 於 2007-3-9 20:35 編輯 ]