常聽人說[元神]出竅,咁到底[元神]係乜野泥呢?
我嘗試解釋一下.
人所以能思想和有七感,皆因有[心],
中國人所講的心,與西方人所講的[心臟]不同,
中醫對心的解釋係「心為君,為王,乃一身之主」,
依中國人所理解,心係一樣無形無相的東西,
看不到摸不到但存在,所以有心思呢個名詞(以心來思想).
而[心]再細分,就分成三魂七魄,
三魂各有名稱,分別係[彭琚][彭王質][彭王喬],
至於七魄就分別以[伏屍][屍狗][雀音][蜚毒][吞賊][除穢][臭肺]來定名,
其功能上,三魂主要管心意/思考/欲念/情感的事,
七魄主管眼/耳/口/鼻/身/意等身體上的七感.
三魂又稱[元神]屬陽,所以又稱[陽神],
人死後三魂升天(陽升陰降),
七魄因管七色之事,所以叫做[色神]屬陰,所以又稱[陰神],人死後七魄歸地.
人如果三魂不全,就叫奕不知動奕不覺,
就有如植物人,都因三魂不全而七魄齊,
(七魄齊全,身體就可正常運作,但冇知覺).
不論打坐或練武功,都可做到體外感知,
(打坐時閉上眼睛都可見到身外發生的事和物,
或練功夫時綁起眼睛,都見到對手的身型體態.)
皆因七魄[色神]的其中功能作用,
而打坐時有機會見到三惟以外的境象,
那個時候只是色神受到外圍感應,
三魂七魄依然留在體內.
經過高層次的修練,陰神的確可以出體去做些事,
例如去干擾一下其他有修練的人呀,
或者去影響一下別人的心思,
至於陽神可以出到竅,離到體的話,.........
理論上等同靈魂(與神鬼無異),
在靈魂世界內,一個剛出體的生魂,是相當弱小的,
出體之後能否回到體內？又或者是否懂得回去體內呢？
我就真係答你唔到啦........當年八仙之一的李玄李大仙都係咁樣做左神仙架炸.......XDDDD
其實唔只李大仙,
好多神仙都係咁有去無回做左神仙,
至於佢地係因為太過癮而唔反泥呢？
定元神出左竅而無法反泥,想反都反唔到泥呢？
咁就要等我都做左神仙先答到你啦........XDDDDDD
